Asturies ufierta "diálogu" y "colaboración" na acoyida de menores migrantes

Alegría diz que la inmigración ye "una cuestión d'Estáu" y pide responsabilidá al PP

El Gobiernu d'Asturies "siempre" dialogará y colaborará na política d'acoyida de los menores migrantes, dende zones tensionaes como Canaries, porque ye una cuestión qu'afecta "non solo" a esta comunidá "sinón al conxuntu del Estáu", aseguró'l so presidente, Adrián Barbón.

"Creo que, amás, demostramos ser un Gobiernu, nesti sen, con una clara visión compartida de lo que ye l'Estáu y de solidaridá col restu de comunidaes autónomes", dixo Barbón en respuesta a les preguntes de los periodistes enantes de la firma de los documentos d'inxerimientu de Conceyos y mancomunidaes pal desarrollu de les prestaciones sociales.

El ministru de Política Territorial, Ángel Víctor Torres, pidió ayeri'l sofitu de los partíos políticos pa la midida que llevará a la Conferencia Sectorial d'Infancia y Adolescencia, na que plantegará una reforma llegal pal repartu obligatoriu de los menores inmigrantes non acompañaos nes comunidaes del territoriu español.